Tónlistarhátíðin Þorskurinn verður haldin í fjórða skipti í bakgarði Einarshúss á sjómannadagshelgi eða laugardaginn 2. júní næstkomandi. Markmiðið með hátíð þessari er að fá sem flesta vestfirska tónlistarmenn til að stíga á stokk og láta ljós sitt skína en allir sem halda lagi á annað borð eru hjartanlega velkomir hvar svo sem á landinu þeir búa. Hver sá sem tekur lagið á hátíð þessari fær eina öskju af heimsins besta þorski frá Jakobi Valgeir að launum fyrir framlag sitt til hátíðarinnar og verður enginn svikinn af þeim eðalfiski.

Að þessu sinni eru það hjónin Ylfa Mist Helgadóttir og Haraldur Ringsted sem eru umsjónaraðilar Þorksins og hafa þau nú þegar bókað fjölmarga tónlistarmenn á hátíðina. Þeir sem ekki hafa bókað sig nú þegar en áhuga hafa á því að stíga á stokk geta haft samband í síma 895-8507 eða sent póst á Þetta netfang er varið fyrir rusltölvupósti, þú þarft að hafa Javascript virkt til að skoða það